HDŹEŽ SO MÓDRJA, ZELENJA...

Hdźež so módrja, zelenja
naše hory, hajnišća,
hdźež mje strowi zetkujo 
w znatym słowje krajenjo: 
|:Tam su moje wjesela, tam mje ćehnje, tam chcu ja.:|

Hdźež te zwony na cyrkwi
lubje rěča k wutrobi, 
do wsy hlada z wječorka 
pozłoćana cyrkwička: 
|:Tam su moje wjesela, ...:|

Hdźež tam rěka pluskoce 
přez te hona domowne, 
hdźež do hatka, do rěčki 
swěća jasne hwězdźički: 
|:Tam su moje wjesela, ...:|

Hdźež tam kwětki pisane 
pyša łuki domjace, 
hdźež tam naše polo je, 
žito so tam zmawuje: 
|:Tam su moje wjesela, ...:|

Hdźež mje wita narodny 
dom a towarš zradowny, 
hdźež te znate holiča 
k wěncam rutu šćipaja: 
|:Tam su moje wjesela, ...:| 

Hanka, budź wjesoła  << >> Hory módre